النظام الغذائي المتبع في الرجيم بدون الحرمان من الطعام
لو فيه شخص متعود على كميه معينه من الأكل و مره واحده قللها للكميه إللى هتنزل وزنه ممكن يحس بهبوط مفاجئ و خلينا نكون صريحين مش هيكمل ، طب نعمل ايه :
- ننزل الكميه تدريجيا بمعنى لو فيه شخص مثلا بيفطر 3 ارغفه عيش أول يوم ياكل رغيفين و نص و يفضل ماشى عليه اسبوع و بعدين رغيفين و يفضل ماشى اسبوع ؛ و هكذا لحد ما يوصل لرغيف واحد وبكده مش هتحرم نفسك من الأكل والجوع.
- بالنسبه للغدا برده نقلل كميه الرز تدريجيا ؛ لو بتاكل طبق أرز خليه ثلاث أربع الطبق ثم نصف الطبق ثم ثمان معالق لحد ما نوصل ل5 معالق رز يوميا ، في الأثناء دي معدتك اتعودة على النظام ده.
- نحاول على قد ما نقدر نبعد عن الدهون، و ناكل الاكل بتاعنا مشوى او مسلوق بدل المتحمر
- البطاطس مسلوقة وبلاش بروست وبلاش الأكل المسبك لانه نار في المعدة.
- العشاء يا ريت يكون علبه زبادى او ثمره فاكهه زي الموز
- النوم لمده 8 ساعات مهم جدا و يا ريت بلاش سهر لبعد 11 بالليل لانه ده بيأثر على نسبه الحرق للدهون ، وبيضعف الذاكرة وبيضعف القوة البدنية
- الصحيان بدرى مهم جدا و الفطار قبل الساعه 9
- الشاى الأخضر كويس جدا و بيزود من معدل الحرق و بيقلل امتصاص الدهون كوبايتين يوميا قبل او بعد الاكل كويسين جدا فى انقاص الوزن
- شرب الماء ضرورى جدا حوالى 8 او 10 كوبيات يوميا
- الخضار و الفاكهه مهمين و يا ريت مناكلش فاكهه بعد الاكل مباشره الافضل قبل او بعد الاكل بساعتين
- يا ريت نمشى يوم و يوم 30 دقيقه
- بلاش ناكل بعد الساعه 7 مساء لانه بعدها الهرمون المسئول عن التمثيل الغذائى مستواه بيقل جدا فى الدم فكل إللى هناكله هيتحول لدهون…
تعرف على : فائدة اللوز لصحة الإنسان
فيديو : رجيم بدون حرمان يخسسك باستمرار والنتائج مذهله بدون دكتور
السمنه مصنفه من العوامل التى تمثل خطر فى الاصابه بحوالى 97% من الأمراض اهمها:
- امراض القلب من ارتفاع الضغط و الاصابه بضعف عضله القلب و الصمامات و امراض الشرايين التاجيه التى قد تنتهى بالسكته القلبيه
- السكر ووجدوا كمان انها مش بتسبب بس مرض السكر ده كمان بتساعد انه الادويه متضبطش السكر للمستوى الطبيعى المطلوب يعنى يبقى فيه مقاومه لتأثير الدوا ، و بالتالى بتسرع من معدل ظهور المشاكل المرتبطه بالسكر زى مشاكل الكلى و التى قد تنتهى بالفشل الكلوى و امراض الاعصاب و مشاكل الشبكيه و غيرها
- امراض الجهاز الهضمى
- ارتفاع نسبه الدهون فى الدم و التى تزيد من معدل حدوث الجلطات و السكتات الدماغية
- للاسف انها ممكن تسبب بعض أنواع السرطان
تعرف على : فائدة اليانسون للحامل
ازاى نعرف فيه سمنه و لا وزن زياده و لا الوزن طبيعى ؟
ببساطه عن طريق قياس مؤشر كتله الجسم ، و ده بيساوى الوزن بالكيلو جرام مقسوم على الطول بالمتر ×٢
يعنى مثلا شخص وزنه 80 كيلو و طوله 170 سنتيمير يعنى الطول ١،٧ متر
مؤشر كتله الجسم = ٨٠ ÷ [ ١،٧ × ٢ ] هيساوى ٢٣،٥
1- لو مؤشر الكتله طلع أقل من ١٨،٥ ده كده وزنه قليل و محتاج يتغذى افضل و بطريقه صحيه
2- لو طلع من١٨،٥ الى ٢٥ ده كده وزنه طبيعى و كويس جدا
3- لو طلع من ٢٥ الى ٣٠ ده كده وزنه زياده شويه و الحل معاه يا اما يثبت على كده و وزنه ميزيدش يا اما انه يخس شويه و ده الافضل
4 – لو طلع اعلى من 30 ده كده عنده سمنه و ضرورى انه ينزل وزنه
طيب فيه طريقه تانيه لمعرفه هل فيه سمنه فى منطقه البطن و إللى بتمثل خطر للاصابه بالسكر و الضغط و امراض القلب و هى قياس محيط الوسط
لو فى السيدات محيط الوسط اعلى من 89 سنتيمير و اعلى من 102 سنتيميتر فى الرجال كده فيه سمنه فى منطقه البطن و الشخص لازم يخس
